أخد البونبوني معاه كله
حد يقوله
إن البونبون
ملك البنوتة اللي خيالها ساكن ضله
........
أخد السكر
والحلم المتلون أخضر
فنجان القهوة
ومج الشاي
حتى البراد غار واتكسر
........
أخد الوردة الحمرا بتاعتي
والصدف الداير ف مرايتي
وعروستي الباربي وطعم العيد
والحلم اللي أنا فصلته جديد
والروج ...والقلم الآيلاينر
........
أخد الشوكولاتة وغلاوتها
مرر ف غيابه حلاوتها
حد يقوله ....إني نسيتها
وخلاص قررت إن انا أكبر
Wednesday, April 26, 2017
قلب صغير
Saturday, April 22, 2017
فلسفة الهجر
وقد يبدو إليك الأمر
مجرد فلسفة للهجر
محاولة جديدة للتوهة
وانا
ولا بالعناد بتغر
ولا واخداني أحزاني
ولا للكره مندوهة
على قد الكلام باسكت
واساوم ف الغرام يهدى
على قد الوجع ببكي
وقلبي بشوقه يتوضى
وكل أما امشي خطوة حزن باتنهد
وباتلفت
وبسألني
بهون إزاي عليك بالصمت تقتلني ؟
وألاقي الرد
أصله بيوحشك تاني
وتجري عليه
ولا لحظة بتستني
ولا بيفرق بيسكت ليه
ولا بيلومني ليه بعينيه
مادمت ف حضنه
كل الدنيا
بعد الحضن دا ....توهة
Friday, April 21, 2017
Subscribe to:
Posts (Atom)