قوة الإرادة

#معلومة_جديدة

4 الإرادة the willpower

بما إني قارئة نهمة دودة كتب (بعيد عنك 😅) وبحب أتعلم أي حاجة عن اي حاجة فموضوع الإرادة دا بالذات هعملك فيه ميكس كده زي التورلي 😂

دا طبعا بما يتوافق مع الموضوع الأساسي اللي بنتكلم فيه ازاي تبقى خسران كبير ..... لوزنك 💪
قوم ايه الموضوع بيحدفني في أربع إتجاهات أساسية كل واحد فيهم أخدت فيه محاضرات وكورسات وورش وقرأت عنه كتير

(ناس فاضية بقى وكده 😞)

الخمسة ليه؟ أو السلسلة
وقانون الجذب
والتأمل
والإرادة

مش عارفة ليه لما جيت أكتب لقيتهم بينادوا على بعض( يلا يا ابني أنت وهي هالة بتنادي عليكم اللي موجود يرفع ايده ) 🙋

الخمسة ليه؟ why
قال ايه بقى يا سيدي أنا تقريبا كده لما بحاول اوصل لأصل حاجة باسال نفسي 5 ليه

وأنا مالي؟!😯

اسأل نفسك على أي تصرف بتتصرفه 5 ليه
دول تقريبا كده هيجروك لأصل الموضوع
مش حاضرني سؤال معين دلوقت بس جرب مش هتخسر  حاجة

اللي شبه الخمسة ليه #السلسلة يعني  هات ورقة وقلم وأكتب أي كلمة فيها وارسم حواليها حلقة ووصل الحلقة بواحدة تانية وقولي في الحلقة التانية دي معنى الكلمة بالنسبة لك
وارسم حلقة جديدة وكمل لحد ماتلاقي مفيش كلمة تاني حاضراك هتكون سلسة من معاني و مرادفات تخصك وحدك وبتعبر عنك انت وبس

صعبة؟!😣

أنا مثلا لو كتبت في في أول السلسلة كتب هكتب بعدها علم وبعدها وعي وبعدها حكمة وبعدها إنسانية وبعدها حياة
يعني الكتب عندي حياة تانية بتتضاف لحياتي

تهنا احنا كده ؟😢

خلينا نكتب سمنة ونشوف توصلنا لفين عندك 😉

الموضوع دا ايه علاقته بقوة الإرادة حضرتك؟ 😠

يا افندم إرادة يعني أنت عاوز تعمل حاجة أو تغير حاجة والإرادة محتاجة قوة والقوة دي هتستمدها في البداية من أنك تفهم نفسك وتفهم إنت بتفكر ازاي

الأكل عندك ايه؟
عاوز تخس ليه؟
ايه مقومات نجاحك؟
ليه مش هتضعف؟

اقولك على حاجة بسيطة ممكن تزود قوة إرادتك
إغسل أسنانك بايدك اللي عمرك ما غسلت بيها أسنانك لمدة شهر

أي كلام؟ 😂

جرب  هتخسر حاجة 😉

كده معاك تكنيك تفهم طريقة تفكيرك في شوية حاجات
ومعاك طريقة بسيطة تزودلك  قوة الإرادة

المرة الجاية هنوضح العلاقة بين قانون الجذب وقوة الارادة وقراراتك

يارب أكون قدمت معلومة جديدة
ويا رب أكون عرضت الفكرة صح
#هالة